Mayısnıñ 26-na keçer gecesi Rusiyeniñ Yelabuga şeerinde «Şahed» ücüm dronlarınıñ işhanesi dronlarnıñ ücümine oğradı. Bu aqta Ukrayina milliy havfsızlıq ve mudafaa şurası yanındaki Sahte malümatnen küreş merkeziniñ yolbaşçısı Andriy Kovalenko bildirdi.
«Duşmanlarnıñ ücümlerine baqmadan, belli olmağan dronlar «Şahedler» yapılğan Rusiyeniñ Yelabuga şeerine, Rusiye tehnikası ve silâsı, şu cümleden raketalar içün parçalar yapqan İvanovo vilâyetindeki himik müessisege ücüm etti», – dep yazdı Kovalenko.
Rusiye Telegram kanallarınıñ malümatına köre, ava mudafaa quvetleri Yelabugada çalıştı. Uçucısızlar toplanğan müessiseniñ istisal haneleri zarar kördimi şimdilik belli degil. Darbe Rusiyeniñ İvanovo vilâyetindeki Dmitriyevskiy himik havodına endirildi, dep haber ete Azatlıq Radiosınıñ Rus hızmeti.
«Domodedovo» ve «Jukovskiy» Moskva ava limanları ücüm sebebinden işini toqtatqan ediler.
Rusiyeniñ Ukrayinağa qarşı büyük ücümi başlanğanından berli Rusiye regionları muntazam sürette ateş ve dronlarnıñ ücümlerine oğray. Rusiyeniñ Mudafaa nazirligi Rusiyede raketalar ve dronlarnıñ tüşürilmesi aqqında haber ete. Kyiv bu haberlerni izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
