Rusiye ordusı mayısnıñ 28-ne keçer gecesi Ukrayinağa beş İskander-M/KN-23 ballistik raketası, X-59/69 idare etilgen ava raketasınen ücüm etti, olarnı Rusiyeden ve işğal etilgen Qırımdan uçurdı. Bunıñnen beraber, 88 Shahed darbe uçucısızı ve taqlit uçucısızını qullandı.
Ukrayina Silâlı quvetleriniñ malümatına köre, saat 09:00-ğa qadar ava mudafaası memleketniñ şarqı, şimali ve cenübinde 71 Rusiye Shahed (diger çeşit uçucısızlarnı) uçucısızını yoq etti – 34-ü ateşli vastalarnen urıp tüşürildi, 37-si ise radioelektron küreş vastalarınen coyuldı/yeñildi.
Sekiz yerde duşmannıñ darbesi endi.
Kirovoğrad vilâyetiniñ arbiy memuriyet yolbaşçısı bildirgenine köre, Rusiye küçleri Svetlovodskta sanayı müessisesine ücüm etti, üç kişi yaralandı.
Harkiv vilâyetinde, vilâyetniñ arbiy memuriyeti haber etkenine köre, Rusiyeniñ ücümleri sebebinden sekiz kişi yaralandı, aralarında bir bala bar.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
RF reberligi, Rusiye ordusı büyük cenk vaqtında Ukrayina şeerleri ve köyleriniñ grajdan infrastrukturalarına maqsatlı darbelerini endirip, ealini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
