Mayısnıñ 27-ne keçer gecesi Rusiye arbiyleri Ukrayinağa 60 Shahed darbe uçucısızınen ve çeşit taqlit uçucısızlarıne ücüm etti, bir qısmı işğal etilgen Qırımdan uçurıldı, dep haber ete Ukrayina Silâlı quvetleriniñ Ava küçleri.
«Mayısnıñ 27-ne keçer gecesi (mayısnıñ 26-nda saat 23.50-den) duşman 60 Shahed darbe uçucısızınen ve çeşit taqlit uçucısızınen ücüm etti: Millerovo, Orel, Kursk, Primorsko-Ahtarsk – Rusiye, Sarabuz – vaqtınca işğal etilgen Qırım», – dep aytıla haberde.
Ukrayina arbiyleri bildirgenine köre, umumen 43 Shahed uçucısızı ve diger uçucısız tesirsiz yapıldı. Berilgen malümatqa köre, 35-i ateşnen yoq etildi, daa 8-i coyuldı ya da radioelektron küreş vastalarınen yeñildi.
9 yerde Rusiye darbeleri endi, 3 yerde ise tüşürilgen uçucısızlarnıñ parçaları qayd etildi, dep qoşa Ukrayina Silâlı quvetleriniñ Ava küçleri.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
RF reberligi, Rusiye ordusı büyük cenk vaqtında Ukrayina şeerleri ve köyleriniñ grajdan infrastrukturalarına maqsatlı darbelerini endirip, ealini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
