Seyran Saliyev Rusiye quvetçileri tarafından 2017 senesi oktâbr ayında tutuldı. Onı Rusiyede yasaq etilgen «Hizb ut-Tahrir» teşkilâtınıñ faaliyetinde qabaatladılar. 2020 senesi Rusiye mahkemesi Saliyevni 16 yılğa üküm etti.
Saliyev apiske alınmazdan evel ekskursovod olıp çalıştı. Tasili türk ve qırımtatar tilleriniñ filologıdır. Saliyev «Qırım birdemliginiñ» vatandaş jurnalisti olıp, Rusiye akimiyeti tarafından qırımtatarlarğa qarşı yapılğan taqiplerni aydınlata edi.