Mayısnıñ 28-nde Moskva ava limanlarında eñ az 62 uçaq seferi lâğu etildi, dep haber ete «Rosaviatsiya».
Müessiseniñ saat 10:00-da bergen malümatına köre, Moskvanıñ dört ava limanında (Şeremetyevo, Vnukovo, Domodedovo ve Jukovskiy) daa 52 sefer eki saattan ziyade keç qaldı.
Şaatlar mayısnıñ 28-nde saba Vnukovo ava limanında peyda olğan büyük nevbetler aqqında haber ete. Yolcular em ava limanı kirişinde, em qayd oluv noqtalarında ve kassalarda bekley.
Rusiye Mudafaa nazirliginiñ malümatına köre, mayısnıñ 28-ne keçer gecesi ava mudafaasınıñ quvetleri Rusiye regionlarına ücüm etken 296 Ukrayina uçucısızını urıp yoq etti. Moskva regionında ve daa 12 vilâyette dronlar tüşürildi.
Moskvanıñ şeer yolbaşçısı Sergey Sobânin ava mudafaasınıñ quvetleri Moskvağa uçqan 33 dronnı urıp tüşürdi, dep haber etti. Moskva civarındaki Zelenograd şeeri darbege oğradı, anda «Elma» tehnoparkınıñ binası zarar kördi. Moskva vilâyetiniñ Çehov şeerinde mesken evler zarar kördi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
